တၢ်ကစီၣ်တဖၣ်
BGF ဒီး ပယီၤသုးအတၢ်ဟူးတၢ်ဂဲၤ တကီၢ်ခါ ဖဲမုၢ်တြီၢ်ကီၢ်ရ့ၣ်, သုးက့ ၅ ဟီၣ်ကဝီၤပူၤ
လါမ့ၤ ၁၄ သီ, ၂၀၂၁ နံၣ် အနံၤ (BGF) သုးတဖၣ် ဟဲထီၣ်ဟူးဂဲၤအါထီၣ်လၢ မုၢ်တြီၢ်ကီၢ်ရ့ၣ်, သုးက့ ၅ ဟီၣ်ကဝီၤပူၤ ဒ်သုးရ့ၣ်တဖၣ် လၢအမ့ၢ် ၁၀၁၃, ၁၀၁၄, ၁၀၁၁, ၁၀၁၈, ၁၀၁၉ အပှၤနီၣ်ဂံၢ် ခဲလၢၥ်ကအိၣ် ၅၀၀ ဃၣ်ဃၣ်န့ၣ်လီၤ. တၢ်သ့ၣ်ညါဘၣ်ကဒီး ဖဲလါမ့ၤထီၣ် ၁၃ သီ, ၂၀၂၁ နံၣ် အနံၤ (BGF) သုးတဖၣ် ဟူးဂဲၤအါထီၣ်လၢ ကမးမိၢ်ပူၤ ဒီး လူၤသံကွၢ်သံဒိးတၢ်လၢ ကမျၢၢ်ထံဖိကီၢ်ဖိအကျါ အါထီၣ်ဒီး ကဲထီၣ်တၢ်ပျံၤတၢ်ဖုးလၢ ကမျၢၢ်ထံဖိကီၢ်ဖိတဖၣ်အဂီၢ်န့ၣ် လီၢ်ကဝီၤဖိ လၢတအဲၣ်ဒိးပၥ်ဖျါအမံၤတဂၤ စံးဝဲဒၣ်န့ၣ်လီၤ. "ခီဖျိ (BGF) သုးတဖၣ် ဟဲအါထီၣ် ဒီး သံကွၢ်သံဒိးတၢ်လၢ ပအိၣ်အဃိ ကဲထီၣ်တၢ်ပျံၤတၢ်ဖုးလၢ ပဝဲလီၢ်ကဝီၤဖိသ့ၣ်တဖၣ်အဂီၢ် ဒိၣ်မးန့ၣ်လီၤ. အဝဲသ့ၣ် မ့ၢ်ဆဲးမၤဝဲ တၢ်ဟူးတၢ်ဂဲၤ ဒ်သိးအံၤ ခါဆူညါဒု ကကဲထီၣ်တၢ်ကီတၢ်ခဲလၢ ပတၢ်လုၢ်အီၣ်သးသမူ ဒ်အမ့ၢ် တၢ်ထူစံၣ်မၤဝဲၤ ဒီး တၢ်ဖဲးခုးကျီနီၣ် အဂီၢ်လီၤ"မၤကဒီးဖဲ တနံၤအံၤ လါမ့ၤ ၁၄ သီ, ၂၀၂၁ နံၣ် ဖဲ ၀၉း၀၀ ဆၢကတီၢ် ပယီၤသုးကလၢၤ လၢအအိၣ်ဆီလီၤအသးဖဲ... ...
တၢ်ကစီၣ်တဖၣ်
ပယီၤသုး ခးနါစိၤတၢ်လၢကဘီယူၤ ဒီး ကမျၢၢ်ဖိဘၣ် ဃ့ၢ်မှံဟးဖျိး
ပယီၤသုး ခးနါစိၤတၢ်လၢကဘီယူၤ ဒီး ကမျၢၢ်ဖိဘၣ် ဃ့ၢ်မှံဟးဖျိးဖဲ လါအ့ဖြ့ၣ် ၂၇ သီ ၂၀၂၁ နံၣ် အနံၤ မုၢ်တြီၢ်ကီၢ်ရ့ၣ် ဘုသိၣ်ကီၢ်ဆၣ် ခီပူးကရူၢ် ဒီး ဘုအါဒၢကရူၢ် တၢ်ဆၢထံး ဖဲဖီထၣ်သဝီခံလီၤ ဖုမဲစံၥ်ပျီပူၤ ပယီၤသုး ဟဲခးလီၤတၢ်လၢ ကဘီယူၤအဃိ ကမျၢၢ်ထံဖိကီၢ်ဖိသ့ၣ်တဖၣ် ဘၣ်ဃ့ၢ်အိၣ်သဒၢအသးဆူ မံၤခိၣ်ပှၢ်ကျါ ဘၣ်ပျံၤဘၣ်ဖုးတၢ် ဒိၣ်ဒိၣ်မုၢ်မုၢ် န့ၣ်လီၤ.ပယီၤသုးခးလီၤတၢ်လၢ ကျိဖးဒိၣ် တကးဒံးဘၣ် အမဲၥ်ညါ ဟဲခးဃုၥ်တၢ်လၢ ကဘီယူၤအဃိ ကမျၢၢ်ထံဖိကီၢ်ဖိသ့ၣ်တဖၣ် အိၣ်ဒီးတၢ်ပျံၤတၢ်ဖုး တၢ်ဘၣ်ယိၣ်သးအုး တကးဒံးဘၣ်အမဲၥ်ညါ ဘၣ်ဃ့ၢ်အိၣ်သဒၢအသးဆူ တၢ်လူၢ်တၢ်တြီၤ လၢၢ်ကဆူးလ့ကဆူး အဃိ ကဲထီၣ်က့ၤတၢ်ကီတၢ်ခဲလၢ အဝဲသ့ၣ်ကဖံးအီၣ်မၤအီၣ်လၢ တၢ်လုၢ်အီၣ်နီၢ်ခိ သးသမူန့ၣ်လီၤ. တနီၤပထံၣ်ဘၣ်လၢ ဘၣ်ကွၢ်ဆၢၣ်မဲၥ်ဒီး တၢ်ကီတၢ်ခဲ တနီၤအိၣ်ဒီးဟုသး ဒၢပှၢ်ထီၣ်ဝဲ တနီၤဖိဆံးအိၣ်န့ၢ် ၂ သီအဃိ ခီဖျိတၢ်စူၤလီၤဆၢကတီၢ်အဃိ ကဲထီၣ်တၢ်ကီတၢ်ခဲ လၢမိၢ်ဖိဆံးသ့ၣ်တဖၣ် အဂီၢ်န့ၣ်လီ... ...
တၢ်ကစီၣ်တဖၣ်
လါမးရှး ၂၇ သီ တုၤလါမ့ၤ ၅ သီ တီၢ်ပူၤ သုးမီၤစိရိၤအသုး ဒီး ကညီဒီကလုၥ် တၢ်ထူၣ်ဖျဲး သုးမုၢ်ဒိၣ် တၢ်ဒုးတဖၣ်
လါမ့ၤ ၅ သီ, ၂၀၂၁ နံၣ်, သူလ့ၤတၢ်ကစီၣ်စးထီၣ် ၂၀၂၁ နံၣ် လါမးရှး ၂၇ သီတုၤလါမ့ၤ ၅ သီအကတီၢ်ပူၤ မီၤစိရိၤအသုး ဒီး ကညီဒီကလုၥ် တၢ်ထူၣ်ဖျဲး သုးမုၢ်ဒိၣ် တၢ်ဒုးကဲထီၣ်ဝဲခဲလၢၥ် (၄၀၇) ဘျီန့ၣ်လီၤ. လၢတၢ်ဒုးတဖၣ်အံၤအပူၤ မီၤစိရိၤအသုးတဖၣ် သံဝဲခဲလၢၥ် (၁၉၄) ဂၤ ဒီး ဘၣ်ဒိဝဲခဲလၢၥ် (၂၂၀) ဂၤန့ၣ်လီၤ. မီၤစိရိၤသုး လၢအသံတဖၣ် ပၣ်ဃုၥ်ဒီး သုးခိၣ်ဒိၣ်စိ ၁ ဂၤ, သုးခိၣ်ဒိၣ်ဂီၢ်ဂ့ၢ် ၁ ဂၤ, သုးခိၣ်စိ ၁ ဂၤ, သုးခိၣ်ဖိ ၁ ဂၤ, သုးခိၣ်ဂီၢ်ဂ့ၢ် ၁ ဂၤ, သုးခိၣ်ယီၤ ၁ ဂၤ န့ၣ်လီၤ. ဒ်န့ၣ်အသိး တၢ်ထီၣ်ဒုး သုးမီၤစိရိၤအသုးကလၢၤအိၣ်ဝဲ ၂ ဘျီ စ့ၢ်ကီးန့ၣ်လီၤ.မီၤစိရိၤအသုးတဖၣ် ခးလီၤတၢ်လၢ ဒူသဝီ, ကမျၢၢ်တၢ်ဖံးအီၣ်မၤအီၣ်အလီၢ် လၢကျိဖးဒိၣ် ခဲလၢၥ်အိၣ်ဝဲ (၅၇၅) ဖျၢၣ် န့ၣ်လီၤ. ဒ်န့ၣ်အသိး မီၤစိရိၤအသုးတဖၣ် ဟဲဝဲဒီးကဘီယူၤ လၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဟီၣ်ကဝီၤပူၤ ခဲလၢၥ် (၂၇) ဘျီ ဒီး တ့ၢ်လီၤဝဲမ့ၣ်ပိၢ် ခဲလၢၥ် (၄၇) ဖျၢၣ် န့ၣ်လီၤ. ခီဖျိလၢ မီၤစိရိၤအသုးတဖၣ် ခးလီၤနါစိၤတ... ...
တၢ်ကစီၣ်တဖၣ်
မုၢ်တြီၢ်ကီၢ်ရ့ၣ် အတၢ်ဘၣ်ကွၢ်ဆၢၣ်မဲၣ်ဒီး ဒုၣ်ဒါ အတၢ်မၤအၢစးထီၣ် (၂၇.၃.၂၀၂၁ တုၤ ၃၀.၄.၂၀၂၁) နံၤ.
စးထီၣ်ဖဲ လါမးရှၣ် ၂၇. ၂၀၂၁ အနံၤဟါ ၃း၃၀ ဆၢကတီၢ် ဒုၣ်ဒါအကဘီယူၤ ဟဲဆှၣ်ဝဲ ပမုၢ်တြီၢ်ကီၢ်ရ့ၣ် သုးက့ဝဲၤလီၢ်ခိၣ်သ့ၣ် ဒီး ဖဲမုၢ်ခံးလီၤ ၇း၃၀ ဆၢကတီၢ် ဒုၣ်ဒါတဖၣ် စးထီၣ်ဟဲခးလီၤဝဲ ပမုၢ်တြီၢ်ကီၢ်ရ့ၣ် သုးက့ (၅) လၢကဘီယူၤ ဒုးသုးန့ၣ်လီၤ. ပသ့ၣ်ညါဘၣ်လၢ ဒုၣ်ဒါပယီၤသုးတဖုအံၤ ဟဲခးလီၤဝဲတၢ်လၢ မုၢ်တြီၢ်ကီၢ်ရ့ၣ်အပူၤ စးထီၣ်လၢ လါမးရှၣ် တုၤခဲအံၤ တပတုၥ်ကွံၥ်ဒံးဝဲဘၣ်. ကဘီယူၤဒုးသုး အတၢ်ဟဲခးလီၤဘျီဝဲအံၤ စးထီၣ်လၢ ဟဲခးလီၤဝဲ ဒီး တုၤလၢခဲအံၤ ပသ့ၣ်ညါဘၣ်လၢ ခးလီၤဝဲတၢ်လီၢ် (၁၃) တီၤ ဒီး ခးဝဲ (၂၁) ဘျီန့ၣ်လီၤ. ကဘီယူၤဒုးသုး အတၢ်ဟဲခးလီၤတၢ်အဖီခိၣ် တၢ်သံတၢ်ပှၢ် တၢ်ဘၣ်ဒိဘၣ်ထံး ဒီး တၢ်ဟးဂုၤဟးဂီၤ အိၣ်ထီၣ်စ့ၢ်ကီးဝဲဒၣ်န့ၣ်လီၤ. ပသ့ၣ်ညါဘၣ်လၢ ကဘီယူၤ အတၢ်ခးလီၤလၢ ကတီၢ်ယံၥ်ဘျီဝဲအံၤ ပှၤသံခဲလၢၥ်အိၣ်ဝဲ (၇) ဂၤဒီး ဘၣ်ဒိၣ်ခဲလၢၥ်အိၣ်ဝဲ (၁၉) ဂၤန့ၣ်လီၤ. မ့မ့ၢ်တၢ်ဟးဂုၤဟးဂီၤအဂၤတခီ မ့ၢ်ဝဲ ဟံၣ်အူအီၣ် ဒီး ဟးဂီၤခဲလၢၥ် (၁၂) ဖျၢၣ်, တီၤထီကၠိ (၂) ဖျၢၣ်... ...
တၢ်ကစီၣ်တဖၣ်
Introducing KNU department of organizing and information official page on Facebook "Thoolei News"
To visit our Facebook page, please click this linkhttps://www.facebook.com/KNUDOIHQ To visit our YouTube Channel, please click this linkhttps://www.youtube.com/channel/UCAvvRrZh5bq1ft8GiH4BReQ ...
တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်ပူၤ မီၤစိရိၤအသုး သုးနီၣ်ဂံၢ် (၁၂) တၢ်တီခိၣ်ရိၣ်မဲဖီလၥ် ခမရ (၄၅၉) သုးခိၣ်ဖိ ခ့ၣ်လ့ဇီၤ တီခိၣ်ရိၣ်မဲကရူၢ် ဟံးန့ၢ်ဆူၣ် ကမျၢၢ်တၢ်ဖိတၢ်လံၤဒီး တၢ်အီၣ်တၢ်အီတဖၣ်
၂၀၂၁ နံၣ်, လါမ့ၤ ၃ သီ, ဒူသထူၣ်ကီၢ်ရ့ၣ်, သူလ့ၤတၢ်ကစီၣ်ခ့ၣ်အဲၣ်ယူၣ်-ဒူသထူၣ်ကီၢ်ရ့ၣ် သထူၣ်ကီၢ်ဆၣ် ကၠၣ်ခၣ်ခၠီကရူၢ်ပူၤ ဒူသဝီတဖၣ် မီၤစိရိၤအသုးနီၣ်ဂံၢ် (၁၂) တၢ်တီခိၣ်ရိၣ်မဲဖီလၥ် ခမရ (၄၅၉) သုးခိၣ်ဖိ ခ့ၣ်လ့ဇီၤ တီခိၣ်ရိၣ်မဲကရူၢ်အံၤ နုၥ်လီၤဝဲလၢ ရွ့ၣ်ကၠံသဝီပူၤ ဒီး နုၥ်လီၤဃိတၢ်လၢ သဝီဖိဟံၣ်ပူၤဝံၤ ဟံးန့ၢ်ဆူၣ်ဝဲ သဝီဖိ အနၢ်ဒံးထူ (၁) ခိၣ် ဃုၥ်ဒီး တၢ်အီၣ်တၢ်အီ, တၢ်ကူတၢ်သိးတဖၣ် ဖဲလါအ့ဖြ့ၣ် ၃၀ သီအနံၤ န့ၣ်သ့ၣ်ညါဘၣ်န့ၣ်လီၤ.တၢ်ဖိတၢ်လံၤလၢ အဟံးဝဲဒၣ်တဖၣ်တခီမ့ၢ်ဝဲ စီၤဝါသူ အဘုသး (၁) ဘူ, တၢ်ဖီဆၢ (၁) ဘိၣ်, နၢ်ဒံးထူ (၁) ခိၣ်, စီၤပလဲထူ အသိအီၣ် (၁) ဘူ, တၢ်ဖီဆၢ (၁) ဘိၣ် (အဘိၣ်ဒိၣ်) ဒီး တၢ်ကူတၢ်သိး တဖၣ်န့ၣ်လီၤ. ဒ်န့ၣ်အသိး လၢ စီၤဖိဝါ အဟံၣ်စ့ၢ်ကီး ဟံးန့ၢ်ဝဲ ဘုသး (၃) ဘူ, နီၢ်ဒံအဲၣ်မိ အဟံၣ်စ့ၢ်ကီ ဟံးန့ၢ်ဝဲ ထိၣ်ဒ့ၣ် (၄) ဘ့ၣ်, သိအီၣ်အဘူဒိၣ် (၁) ဘူ, နီၢ်အ့နွဲၤ အဟံၣ်စ့ၢ်ကီ ဟံးန့ၢ်ဝဲ နီၣ်တၢၤစတံ (၂) ဖၣ်, တၢ်ဖီဆၢ (၂) ဘိၣ်, နီၢ်ကၠူမိ ဟံ... ...