တၢ်ကစီၣ်တဖၣ်
ခီဖျိလၢ ပယီၤသုးတဖၣ် ခးနါစိၤကျိအဃိ ဘၣ်သံဝဲကမျၢၢ်ဖိ ၂ ဂၤ
လါယနူၤအါရံး (၁၉) သီ, ၂၀၂၁ဖဲ လါယနူၤအါရံး (၁၉) သီဂီၤ (၇း၀၀) နၣ်ရံၣ်ဆၢကတီၢ် လၢသုးက့ (၃) ဒီး သုးက့ (၅) အဆၢ ဖဲကစၢၢ်တကွံ တၢ်လီၢ်ကပိၥ်ကပၤန့ၣ် ခီဖျိပယီၤသုးတဖၣ် ခးနါစိၤကျိအဃိ ပမၤန့ၢ်တၢ်ကစီၣ်လၢ ပှၤကမျၢၢ်သံခံဂၤန့ၣ်လီၤ. ပှၤသံခံဂၤအံၤ အမံၤမ့ၢ်ဝဲ အူတၥ် သးနံၣ်အိၣ် (၅၇) နံၣ်ဒီး ကၠံၣ်ဖိ သးနံၣ်အိၣ် (၄၂)နံၣ်န့ၣ်လီၤ.လၢတၢ်ဂ့ၢ်အံၤအဖီခိၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လၢၢ်ဒိၣ်ကီၢ်ဆၣ် နဲၣ်ရွဲၣ် ပဒိၣ်စီၤဆၣ်ဝါ တခီစံးဝဲလၢ ပယီၤသုး ခမရ (၅၇), သုးရ့ၣ်ခိၣ်ပတီၢ် (ရှါလ့) ကိးထံၣ်လိၥ်ဝဲ မုၢ်သဲၣ်သဝီဖိ ဖဲလါယနူၤအါရံၤ (၁၆) သီအနံၤ ဒီးဟ့ၣ်ပလီၢ် သဝီဖိတဖၣ် တဘၣ်ဟးထီၣ်လၢ သဝီချၢဘၣ်. မ့ၢ်ထံၣ်န့ၢ်ဝဲလၢ သဝီဖိလၢအဟးထီၣ် လၢသဝီချၢအါန့ၢ်အကဲး (၅၀) န့ၣ် လၢအဝဲသ့ၣ်အတၢ်ဘံၣ်တၢ်ဘၢအဂီၢ် ကခးဝဲဒၣ်လၢကျိလီၤ အဂ့ၢ်န့ၣ် စံးဘၣ်ဝဲ မုၢ်သဲၣ်သဝီဖိ ၄ ဂၤလၢအမ့ၢ် စီၤစ့ခ့ၢ်သီ, စီၤခ့ၤသါမူ, စီၤဂ့ၤန့ၢ်မူ ဒီးစီၤဖါန့ၢ် သ့ၣ်တဖၣ်န့ၣ်လီၤ.လၢတၢ်န့ၣ်အဃိ မုၢ်သဲၣ်သဝီဖိတဖၣ် ဟးထီၣ... ...
တၢ်ကစီၣ်တဖၣ်
ကီၢ်ပယီၤသုးမုၢ်ဒိၣ် အသုးတဖၣ် ခီဖျိ ခးနါစိၤကျိဖးဒိၣ် ဒီး ကျိဖိတဖၣ်အဃိ သဝီဖိတဂၤ ဘၣ်ဒိဝဲနၥ်နၥ်ကလဲၥ်
လါယနူၤအါရံၤ ၁၉ သီ ၂၀၂၁ နံၣ်, သူလ့ၤတၢ်ကစီၣ်ဖဲ ၂၀၂၁ နံၣ် လါယနူၤအါရံၤ ၁၉ သီဂီၤခီ ၉ နၣ်ရံၣ် ၂၅ မံးနံး အဆၢကတီၢ် ပကီၤခံသဝီဖိ စီၤလၢၢ်ဘီ တဂၤ အိၣ်ဝဲလၢ တၢ်ဃ့ၢ်ခူသူၣ်အလီၢ် ဒီး က့ၤဃီၤဝဲဆူ သဝီပူၤ လၢကဒုးအီၣ်ဆၣ်ဖိကီၢ်ဖိအဆၣ် လၢအအိၣ်လီၤတဲၥ်လၢ သဝီပူၤတဖၣ် အဂီၢ်န့ၣ်လီၤ. ဒီး ဖဲအဝဲက့ၤတုၤလၢ သဝီပူၤအဆၢကတီၢ် ကီၢ်ပယီၤသုးမုၢ်ဒိၣ် လၢအမ့ၢ် ခမရ (၆၀၃) အသုးရ့ၣ် လၢအဘၣ်တၢ်တီခိၣ်ရိၣ်မဲအီၤလၢ သုးခိၣ်ဒိၣ်ဖိ မီၣ်အီၣ်သါ အသုးတဖၣ် ခီဖျိခးတပျုၢ်တပျီၤဝဲဒၣ် ကျိဖိဒီးကျိဖးဒိၣ်အါအါဂီၢ်ဂီၢ်အဃိ ဘၣ်ဝဲ စီၤလၢၢ်ဘီ အခီၣ်ကံၣ်ခုၣ် ခံကပၤလၢၥ် ဃုၥ်ဒီးအခိၣ်သၣ်ဃံ စ့ၢ်ကီးအဃိ ဘၣ်ဒိဝဲ နၥ်နၥ်ကလဲၥ် ဒီး မ့ၢ်တၢ်လီၤဘၣ်ယိၢ်လၢ အသးသမူအဂီၢ် န့ၣ်လီၤ. လၢတၢ်န့ၣ်အဃိ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ် ပှၤဘၣ်မူဘၣ်ဒါတဖၣ် ကူဆါယါဘျါဝဲ စီၤလၢၢ်ဘီ အံၤန့ၣ်လီၤ.တၢ်ကဲထီၣ်သးဒ်အံၤအဖီခိၣ် ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ် ကီၢ်ဆၣ်နဲၣ်ရွဲၣ... ...
တၢ်ကစီၣ်တဖၣ်
ဒူသဝီကမျၢၢ်ဖိတဖၣ် ဘၣ်သုးလီၢ်သုးကျဲ ခီဖျိပယီၤပဒိၣ်သုးတဖၣ် ဟဲထီၣ်ဆူ ဒူသဝီကမျၢၢ်အိၣ်တၢ်အလီၢ် ဒီး ခးကျိအါအါဂီၢ်ဂီၢ် အဃိ
လါယနူၤအါရံၤ ၁၈ သီ ၂၀၂၁ဖဲ လါယနူၤအါရံၤ (၁၇) သီ ကီၢ်ပယီၤပဒိၣ်သုး ခးသီၣ်ကျိ ဒီး မၤပျံၤမၤဖုးတၢ်အဃိ ဒူသဝီကမျၢၢ်ဖိတဖၣ် (ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ်, ဃဲဒၢကရူၢ်ကမျၢၢ်တဖၣ်) ဘၣ်ဃ့ၢ်အိၣ်လၢ ခိခိၣ်ပှၢ်လၢ်ကျါန့ၣ်လီၤ.ဖဲ (၁၇) သီ ဟါ ၅း၀၈ မံးနံး ဆၢကတီၢ် ကီၢ်ပယီၤပဒိၣ်သုး လၢအအိၣ်ဖဲ သွ့ဘိပျီ, အံသၣ်ပျီ တဖၣ် ခးလီၤကျိဖးဒိၣ် အါန့ၢ် (၃၀) ဖျၢၣ် ဒီး ကျိဖိတခီ ခးဝဲဒီတနၤအဃိ ဒူသဝီကမျၢၢ်ဖိတဖၣ် ဘၣ်ဃ့ၢ်အိၣ်လၢ ခိခိၣ်ပှၢ်လၢ်ကျါ န့ၣ်လီၤ.ဃဲဒၢကရူၢ်သဝီဖိ လၢဘၣ်သုးလီၢ်သုးကျဲ ဃ့ၢ်စံၣ်အိၣ်လၢ ခိခိၣ်ပှၢ်လၢ်ကျါတဖၣ် ပၣ်ဃုၥ်ဝဲ ကၠိသရၣ်မုၣ် (၈) ဂၤ, ကၠိသရၣ် (၂) ဂၤ, ကၠိဖိ (၈၅) ဂၤ ဒီး ဒူသဝီကမျၢၢ်ဖိတဖၣ် ပှၤခဲလၢၥ်အိၣ်ဝဲ (၁၈၅) ဂၤန့ၣ်လီၤ. ကၠိဖိတဖၣ် လၢတၢ်ပျံၤတၢ်ဖုးအဖီခိၣ် ဘၣ်ပတုၥ်ကွံၥ်တၢ်ထီၣ်ကၠိ ဒီး ဘၣ်ဃ့ၢ်သုးလီၢ်သုးကျဲဆူ တၢ်လီၢ်အဂၤန့ၣ်လီၤ.ဖဲ (၁၈) သီဟါ ၂း၂၂ မံးနံး ဆၢကတီၢ် ကီၢ်ပယီၤပဒိၣ်သုးတဖၣ် ဟဲထီၣ်ဆူ ဃဲဒၢကရူၢ်... ...
တၢ်ကစီၣ်တဖၣ်
ကီၢ်ပယီၤသုး ခးကျိဖးဒိၣ် ဘၣ်သံသဝီဖိတဂၤ
မုၢ်နံၤ ၂၀၂၁ နံၣ် လါယနူၤအါရံၤ ၁၂ သီဖဲ ၂၀၂၁ နံၣ်, လါယနူၤအါရံၤ ၁၂ သီ ဟါခီ ၈ နၣ်ရံၣ်အဆၢကတီၢ် ပယီၤသုး စကခ (၈) စုတီၤဖီလၥ် ခမရ-၄၀၄ လၢအအိၣ်ဖဲ ကိကိၣ်ခိၣ်ဆၢလၥ် တယီကျီး တၢ်လီၢ်တဖၣ် ထံၣ်စိဝဲသဝီဖိ လၢအဟးလၢသံၣ်ပူၤ ဒီး ခးစိဝဲဒီးကျိဒိၣ် ၂ ထံၣ် အဃိ သဝီဖိလၢအမံၤမ့ၢ် စီၤမီၣ်သၣ်ဆၢ တဂၤဘၣ်သံဝဲဒၣ်န့ၣ်လီၤ. တၢ်ကဲထီၣ်အသးအလီၢ် မ့ၢ်ဝဲဖဲ မုၢ်တြီၢ်ကီၢ်ရ့ၣ်, ဒွဲၣ်လိကီၢ်ဆၣ်, မဲၤခၠိၣ် (ကိး) တန့ကရူၢ် ဟီၣ်ကဝီၤန့ၣ်လီၤ. သဝီဖိလၢ ပယီၤသုးခးသံဝဲတဂၤအံၤ အိၣ်သဝီဖဲ တန့တီသဝီ ဒီး အသးနံၣ်အိၣ်ဝဲ ၃၅ နံၣ်န့ၣ်လီၤ. စီၤမီၣ်သၣ်ဆၢ ပၥ်လီၤတဲၥ်ကွံၥ်ဝဲ အမၢၤ နီၢ်မုၣ်တီ ဒီးအဖိ ၆ ဂၤလၢအမ့ၢ် မုၣ် ၂ ဂၤ ဒီး ခွါ ၄ ဂၤန့ၣ်လီၤ. စီၤမီၣ်သၣ်ဆၢ အမိၢ်မံၤမ့ၢ် နီၢ်သံၣ် ဒီး အပၢ်အမံၤတခီမ့ၢ်ဝဲ စီၤဖးထိ န့ၣ်လီၤ. ...
တၢ်ကစီၣ်တဖၣ်
မုၢ်တြီၢ်ကီၢ်ရ့ၣ်, ဒွဲၣ်လိကီၢ်ဆၣ် (မဲၤဝ့ၤ, မဲၤသုၣ်, လ့ခီၣ်ထံး, နါကိၢ်ခံ) ကရူၢ် (၄) ဘ့ၣ် အကမျၢၢ်သ့ၣ်တဖၣ် ပၥ်ဖျါထီၣ် အတၢ်တူၢ်ဘၣ်ခီၣ်ဘၣ် ဒီး ကိးသတြီဃ့ထီၣ်ဝဲ အတၢ်ဘၣ်သး
၂၀၂၁ နံၣ် လါယနူၤအါရံၤ ၆ သီအနံၤ ကမျၢၢ်ဖိလၢ မုၢ်တြီၢ်ကီၢ်ရ့ၣ် ဒွဲၣ်လိကီၢ်ဆၣ် ကရူၢ် (၄) ဘ့ၣ် ဒ်အမ့ၢ် မဲၤဝ့ၤ, မဲၤသုၣ်, လ့ခီၣ်ထံး ဒီး နါကိၢ်ခံ ကရူၢ် အကမျၢၢ်ဖိသ့ၣ်တဖၣ် ကရၢကရိဒီး ပၥ်ဖှိၣ်ထီၣ်လိၥ်အသး ဒီး ပၥ်ဖျါထီၣ်ဝဲ အတၢ်တူၢ်ဘၣ်ခီၣ်ဘၣ်တဖၣ် ဒီး ကိးသတြီ ဃ့ထီၣ်ဝဲ အတၢ်ဘၣ်သးန့ၣ်လီၤ. လီၢ်ကဝီၤကမျၢၢ်ဖိသ့ၣ်တဖၣ် ပၥ်ဖျါထီၣ်ဝဲ ပယီၤသုးအတၢ်ဟဲနုၥ်လီၤဟူးဂဲၤဝဲဒၣ်ဖဲ မုၢ်တြီၢ်ကီၢ်ရ့ၣ် ဒွဲၣ်လိကီၢ်ဆၣ် အဟီၣ်ကဝီၤပူၤသ့ၣ်တဖၣ် ဟူးဂဲၤဝဲအက့ၢ်အဂီၤ ဒ်အမ့ၢ် ဆီလီၤအါထီၣ်အသုးကလၢၤ ဒီး သုးကလၢၤတနီၤ အိၣ်ဆီလီၤအသးလၢ ဒူသဝီပူၤ ဒီး ဟူးဂဲၤဝဲ ဒုးယၤဂ့ၢ်ဝီ အတၢ်ဖံးတၢ်မၤ ဒ်အမ့ၢ် ဟးတလၢဝဲ တၢ်ပၥ်ပနီၣ်တၢ်လီၢ်ဟီၣ်ကဝီၤ ဒီး တၢ်ခးလိၥ်သး ဟဲကဲထီၣ်, ပယီၤသုး ခးလီၤဝဲကျိဆူ ဒူသဝီကမျၢၢ် တၢ်အိၣ်တၢ်ဆိးလီၢ်ကျဲ, ကမျၢၢ်ဖိတၢ်ဖံးအီၣ်မၤအီၣ်အလီၢ်အကျဲ, ပယီၤသုး သူဝဲကဘီယူၤ ဒီး ကဘီယူၤဖိ (Drone) လၢဟးဃုသ့ၣ်ညါဝဲ တၢ်လီၢ်တၢ်ကျဲသ့ၣ်တဖၣ် တကးဒံးဘၣ် ပျဲလီၤဝဲ အပှၤဟးခိးဟုၣ်တၢ် ဒီး ဃုသ... ...
တၢ်ကစီၣ်တဖၣ်
လူၤသီကီၢ်ဆၣ် လီၢ်ကဝီၤကမျၢၢ်လၢ အကလးတဖၣ် ပၥ်ဖျါထီၣ်အတၢ်ဘၣ်သး
မုၢ်နံၤ ၂၀၂၀ နံၣ်, လါဒံၣ်စ့ဘၢၣ် ၃၀ သီဖဲ လါဒံၣ်စ့ဘၢၣ် ၃၀ သီ ၂၀၂၀ နံၣ် အနံၤန့ၣ် လူၤသီကီၢ်ဆၣ် ကမျၢၢ်တဖၣ် ပၥ်ဖျါထီၣ်အတၢ်ဘၣ်သးလၢ တၢ်လီၢ် ၃ တီၤ, ပၥ်ဖျါဃ့ထီၣ်ဝဲ အတၢ်ဘၣ်သးတဖၣ် ဒီး ထီဒါဝဲ ပယီၤသုးမုၢ်ဒိၣ် အတၢ်ဟဲနုၥ်လီၤ ဟူးဂဲၤမၤဘၣ်ဒိ ပှၤဂ့ၢ်ဝီခွဲးယၥ်တဖၣ် ဖဲမုၢ်တြီၢ်ကီၢ်ရ့ၣ် ဟီၣ်ကဝီၤပူၤအံၤန့ၣ်လီၤ.ဘၣ်ထွဲဒီး ကမျၢၢ်တၢ်ပၥ်ဖျါသး တၢ်ဟူးတၢ်ဂဲၤတဘျီအံၤန့ၣ် ပသ့ၣ်ညါဘၣ်လၢ လူသီကီၢ်ဆၣ် လီၢ်ကဝီၤကမျၢၢ်လၢ ကရူၢ် (၁၂) ဘ့ၣ်အပူၤ ဒ်အမ့ၢ် ခ့ပူၤ, နီၢ်ယိးထၣ်, လၢၢ်မုၢ်ပျီ, စီၤမုၢ်ပျီ, ကီၤလူၢ်ဒၢ, ဖျးခိၣ်, ယဲၤမုၢ်ပျီ, ဃဲပၤ, ပ့က့, ဘီသ့ၣ်ထၣ်, ကလီၤထၣ် ဒီး တ့မုၢ်ဒၢ ကရူၢ်သ့ၣ်တဖၣ် ပၥ်ဖျါထီၣ်အသးလၢ တၢ်လီၢ် ၃ တီၤဒီး (၁) တတီၤန့ၣ် မ့ၢ်ဝဲ နီၢ်ယိးထၣ်, (၂) တီၤတတီၤန့ၣ်မ့ၢ်ဝဲ ထံဟီထၣ် ဒီး (၃) တီၤတတီၤန့ၣ်မ့ၢ်ဝဲဖဲ ဒ့ၣ်ပူၤနိၣ် ဟီၣ်ကဝီၤပူၤ န့ၣ်လီၤ.လၢကမျၢၢ်တဖၣ် အတၢ်ပၥ်ဖျါထီၣ်သး တၢ်ဟူးတၢ်ဂဲၤတဘျီအံၤအပူၤန့ၣ် အဝဲသ့ၣ်တဖၣ် ဃ့ပၥ်ဖျါထီၣ... ...