တၢ်ကစီၣ်တဖၣ်
ထံမူခံသဝီဖိတဖၣ် မၤဝဲတၢ်သကွံၢ်ကညးမုၢ်နံၤ ဖဲသဝီလီၢ်လံၤ အဆိကတၢၢ်တဝီ
လါယနူၤအါရံၤ ၂၉ သီ, ၂၀၂၁ နံၣ်ဖဲလါယနူၤအါရံၤ ၂၉ သီ ၂၀၂၁ နံၣ်အနံၤ မုၢ်တြီၢ်ကီၢ်ရ့ၣ်, လူၤသီကီၢ်ဆၣ် စီၤမုၢ်ပျီကရူၢ်, ထံမူခံသဝီ ပှၤထူလံၤဖိတဖၣ် ပၥ်ဖှိၣ်ထီၣ်လိၥ်အသးဒီး မၤဝဲတၢ်သကွံၢ်ကညး လၢအကစၢ်ဒၣ်ဝဲ အတၢ်စူၣ်တၢ်နၥ် ဒ်သိးပယီၤသုးကလၢၤ အိၣ်လၢအဟီၣ်ကဝီၤပူၤတဖၣ် ကထုးကွံၥ်အသးန့ၣ်လီၤ.တၢ်ရဲၣ်တၢ်ကျဲၤအဝဲအံၤ ဘၣ်တၢ်ရဲၣ်ကျဲၤဒုးအိၣ်ထီၣ်အီၤလၢ သဝီသူၣ်က့သးပှၢ်တဖၣ် ဒီးတၢၣ်ပီၣ်တဲသကိးဝဲဒီး သဝီဖိတဖၣ် ဒ်သိးတၢ်ရဲၣ်တၢ်ကျဲၤ ကကဲထီၣ်အဂီၢ် န့ၣ်လီၤ. ဘၣ်တၢ်ရဲၣ်ကျဲၤမၤအီၤဖဲ ထံမူခံသဝီလီၢ်လံၤ ဒီး ပှၤဟဲဝဲခဲလၢၥ် (၇၀) ဂၤဒီး မ့ၢ်စ့ၢ်ကီးဝဲ တၢ်အဆိကတၢၢ်တဝီ န့ၣ်လီၤ.ဒ်သိး ဒုၣ်ဒါလၢပဟီၣ်ကဝီၤတဖၣ် ကထုးကွံၥ်အသးဒီး ပကဟဲက့ၤအိၣ်ဘၣ်လၢ ပကစၢ်အလီၢ်, ပကဖံးအီၣ်မၤအီၣ်ဘၣ်သဘျ့, လဲၤဘၣ်က့ၤဘၣ်ကသဘျ့အဂီၢ်န့ၣ် ပပၥ်ဖှိၣ်ထီၣ်လိၥ်သးဒီး ပမၤဝဲတၢ်ရဲၣ်တၢ်ကျဲၤအဝဲအံၤ န့ၣ်လီၤအဂ့ၢ်န့ၣ် စီၤအဲၣ်န့ၢ်မူ လၢအမ့ၢ် ထံမူခံသဝီဖိတဂၤ စဲးဝဲဒၣ်န့ၣ်လီၤ. ...
တၢ်ကစီၣ်တဖၣ်
ဒ်သိး တၢ်ပတုၥ်တၢ်ခး ကဂၢၢ်ကျၢၤအဂီၢ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်, ဘံလ့ကီၢ်ဆၣ် လီၢ်ကဝီၤကမျၢၢ် (၂၀၀၀) ဘျဲၣ် ပၥ်ဖျါထီၣ်အတၢ်ဘၣ်သး
၂၀၂၁ နံၣ်, လါယနူၤအါရံၤ ၁၇ သီ, ဒူသထူၣ် ကီၢ်ရ့ၣ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်, ဘံလ့ကီၢ်ဆၣ် ဒူသဝီကရူၢ် ၃ ဘ့ၣ် လၢအမ့ၢ် ထံဆံၣ်ဘီကရူၢ်, ယိၤကျါကရူၢ် ဒီး ထံဖးဒိၣ်ထးကရူၢ် ပူၤ ဒူသဝီ ၁၂ ဖျၢၣ် ကမျၢၢ်ခဲလၢၥ် ၂၀၀၀ ဘျဲၣ် ပၥ်ဖျါထီၣ်အတၢ်ဘၣ်သး ဘၣ်ထွဲ ထံကီၢ်ဒီဘ့ၣ် တၢ်ပတုၥ်တၢ်ခး ကဂၢၢ်ကျၢၤထီၣ်အဂီၢ် န့ၣ်လီၤ. တၢ်ပၥ်ဖျါထီၣ်တၢ်ဘၣ်သး တၢ်ရဲၣ်တၢ်ကျဲၤတဘျီအံၤ ဘၣ်တၢ်မၤအီၤဖဲ လါယနူၤအါရံၤ ၂၇ သီ ၂၀၂၁ နံၣ် န့ၣ်လီၤ.ဖဲတၢ်ပၥ်ဖျါထီၣ်သး အကတီၢ် လီၢ်ကဝီၤကမျၢၢ်တဖၣ် ဃ့ထီၣ်ဝဲ တၢ်ဂ့ၢ် ၆ ထံၣ် လၢအမ့ၢ်ဝဲ ၁. တၢ်ကမၤဖျါထီၣ် ထံကီၢ်ဒီဘ့ၣ် တၢ်ပတုၥ်တၢ်ခး လံၥ်ဃံးဃၥ် အတၢ်အၢၣ်လီၤအီလီၤတဖၣ်, ၂. တၢ်ကလူၤပိၥ်မၤထွဲ တၢ်ပတုၥ်တၢ်ခး အတၢ်သိၣ်တၢ်သီ ဒီးသုးတၢ်သိၣ်တၢ်သီ တၢ်ဘျၢတဖၣ်, ၃. ပတလိၣ်ဘၣ် လီၢ်ကဝီၤပူၤ စုကဝဲၤတၢ်သဘံၣ်သဘုၣ်ဘၣ်, ၄. ပတအဲၣ်ဒိးလၢ သုးကလၢၤတဖၣ် ကဆီလီၤသးလၢ ဒူသဝီပူၤဘၣ်, ၅. တၢ်ဂ့ၢ်ကီလၢအကဲထီၣ်သးလၢ လီၢ်ကဝီၤပူၤတဖၣ် ကီၢ်ပဒိၣ်ကဟံးမူဒါ ဒီး ဘ... ...
တၢ်ကစီၣ်တဖၣ်
ခီဖျိ ကီၢ်ပယီၤသုးမုၢ်ဒိၣ် နုၥ်လီၤဟူးဂဲၤအါထီၣ်လၢ ခ့ၣ်အဲၣ်ယူၣ် တၢ်ပၢဟီၣ်ကဝီၤတဖၣ်အဃိ တၢ်ခးလိၥ်သးကဲထီၣ်ဒီး လီၢ်ကဝီၤကမျၢၢ် လွံၢ်ကထိဘျဲၣ် ဘၣ်ဃ့ၢ်မှံဟးဖျိး
လါယနူၤအါရံၤ ၂၆ သီ ၂၀၂၁ နံၣ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် ဟီၣ်ကဝီၤပူၤ ခီဖျိ ကီၢ်ပယီၤသုးမုၢ်ဒိၣ် အသုးတဖၣ် နုၥ်လီၤဟူးဂဲၤအါထီၣ်အဃိ ဘၣ်သဂၢၢ်ခးလိၥ်သးဒီး လီၢ်ကဝီၤကညီဒီကလုၥ် တၢ်ထူၣ်ဖျဲးသုးမုၢ်ဒိၣ် အသုးလၢ အဟံးတၢ်ဘံၣ်တၢ်ဘၢလၢ ဟီၣ်ကဝီၤဖဲန့ၣ်တဖၣ် အိၣ်ထီၣ်ဝဲအဃိ ပှၤလီၢ်ကဝီၤဖိတဖၣ် ပျံၤတၢ်ဖုးတၢ်ဒီး ဃ့ၢ်အိၣ်လၢပှၢ်ပူၤ လၢတၢ်သဒၢအဂီၢ်န့ၣ်လီၤ. ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် ဒွဲၣ်လိကီၢ်ဆၣ် ဟီၣ်ကဝီၤပူၤ ကမျၢၢ်လၢ အဘၣ်ဃ့ၢ်အိၣ်ကဒုတဖၣ် မ့ၢ်ဝဲ ဒူသဝီကရူၢ် ၅ ကရူၢ်, သဝီခဲလၢၥ် ၁၇ ဖျၢၣ်, ဟံၣ်ခိၣ်ခဲလၢၥ် ၇၀၀ ဖျၢၣ် ဒီး ပှၤနီၣ်ဂံၢ်ခဲလၢၥ် အိၣ်ဝဲ ၄၁၃၁ ဂၤန့ၣ်လီၤ.ပှၤဃ့ၢ်အိၣ်ကဒု စရီလၢ တၢ်ပၥ်ဖျါထီၣ်အီၤခဲအံၤ မ့ၢ်စရီလၢ တၢ်ထၢန့ၢ်အီၤ အစဲၤခံကတၢၢ် ဖဲ ၂၀၂၁ နံၣ် လါယနူၤအါရံၤ ၂၅ သီ အစရီ န့ၣ်လီၤ.ပှၤကမျၢၢ်ဖိလၢ အဘၣ်ဃ့ၢ်မှံဟးဖျိးသ့ၣ်တဖၣ် ပၣ်ဃုၥ်စ့ၢ်ကီးဒီး ပှၤသးပှၢ်တဖၣ်, ပိၥ်မုၣ်ပိၥ်မၢၤတဖၣ် ဒီး ဖိဒံဖိသၣ်တဖၣ... ...
တၢ်ကစီၣ်တဖၣ်
.jpg)
တၢ်ကစီၣ်တဖၣ်
ဒ်သိး ကီၢ်ဒီတဘ့ၣ် တၢ်ပတုၥ်တၢ်ခး ကဂၢၢ်ကျၢၤထီၣ်အဂီၢ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ် ဘံလ့ကီၢ်ဆၣ် လီၢ်ကဝီၤဖိတဖၣ် ပၥ်ဖျါထီၣ်အတၢ်ဘၣ်သး
လါယနူၤအါရံၤ ၂၄ သီ ၂၀၂၁ နံၣ်ဒ်သိးထံကီၢ်ဒီဘ့ၣ် တၢ်ပတုၥ်တၢ်ခး ကဂၢၢ်ကျၢၤခၢၣ်သနၢၣ်အဂီၢ် ဖဲလါယနူၤအါရံၤ ၂၄ သီ ၂၀၂၁ နံၣ် ဂီၤခီ ၉ နၣ်ရံၣ်အဆၢကတီၢ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ် ကီၢ်ရ့ၣ် ဘံလ့ကီၢ်ဆၣ် မၠ့ၣ်ကၠိကရူၢ်, တၤအုးခံကရူၢ် ဒီး ကၠိဝဲကရူၢ် ကမျၢၢ်ဖိ ၁၀၀၀ ဘျဲၣ် ပၥ်ဖှိၣ်ထီၣ်အသးဒီး ပၥ်ဖျါထီၣ်ဝဲ အတၢ်မိၢ်န့ၢ်သးလီ န့ၣ်လီၤ. လၢအဝဲသ့ၣ်အတၢ်ပၥ်ဖျါထီၣ် အတၢ်ဘၣ်သး တၢ်ရဲၣ်တၢ်ကျဲၤအပူၤ ပၥ်ဖျါထီၣ်ဝဲ တၢ်ကိးသတြီ ၆ ထံၣ်လၢအမ့ၢ်ဝဲ၁. တၢ်ကမၤဖျါထီၣ် တၢ်အၢၣ်လီၤဘၣ်သး ဒ်အအိၣ်ကွဲးသးလၢ တၢ်ပတုၥ်တၢ်ခး (NCA) လံၥ်ဃံးဃၥ်ပူၤအသိး၂. ဘၣ်ထွဲတၢ်ပတုၥ်တၢ်ခးအဆၢကတီၢ် သုးတၢ်သိၣ်တၢ်သီလၢ တၢ်ကဘၣ်လူၤပိၥ်မၤထွဲအီၤတဖၣ် တၢ်ကလူၤပိၥ်မၤထွဲအီၤအဂီၢ်၃. ပတလိၣ်ဘၣ် စုကဝဲၤ တၢ်ဘၣ်ဂံၥ်ဂုၥ်ဘၣ်၄. ပတလိၣ်ဘၣ် သုးကလၢၤ လၢကဆီလီၤသးလၢ ဒူသဝီပူၤဘၣ်၅. ကီၢ်ပဒိၣ် ကဟံးမူဒါ ဘှါရှဲကွံၥ် တၢ်ဂ့ၢ်ကီ လၢအကဲထီၣ်သးလၢ တၢ်ဖီလၥ်တဖၣ်၆. ထံရူၢ်ကီၢ်သဲးတၢ်ဂ့ၢ်ကီန့ၣ် မ်တၢ်ကဘှါရှဲအီၤလၢ ထ... ...
တၢ်ကစီၣ်တဖၣ်
ပကိကီၢ်ခီ, ကညီဂ့ၢ်ဝီကိတိၥ် နီၢ်ပှဲၤစ့ ဟဲဟ့ၣ်မၤစၢၤဝဲ လီၢ်ကဝီၤထံဖိကီၢ်ဖိလၢ အဃ့ၢ်မှံဟးဖျိး ခီဖျိတၢ်ခးလိၥ်သးကဲထီၣ်တဖၣ် လၢတၢ်ဖိတၢ်လံၤဒီး တၢ်လၢအလိၣ်တဖၣ်
လါယနူၤအါရံၤ ၂၀ သီ ၂၀၂၁ နံၣ်, သူလ့ၤတၢ်ကစီၣ်ဖဲလါယနူၤအါရံၤ ၂၀ သီ မုၢ်ထူၣ်ခါ ၁၂ နၣ်ရံၣ်အဆၢကတီၢ် ပကိကီၢ်ခီ, ကညီဂ့ၢ်ဝီကိတိၥ် နီၢ်ပှဲၤစ့ ဒီး ခိၣ်နၢ်ခၢၣ်စးတဖၣ် ဟဲဟ့ၣ်ဝဲ တၢ်ဆီၣ်ထွဲမၤစၢၤဆူ ထံဖိကီၢ်ဖိ လၢအဘၣ်ဃ့ၢ်မှံဟးဖျိတဖၣ် လၢတၢ်အီၣ်တၢ်အီ, ကသံၣ်ကသီ, ယၣ်လုး ဒီး ဆ့ကလၢၤ တဖၣ်န့ၣ်လီၤ. ကညီဂ့ၢ်ဝီကိတိၥ် နီၢ်ပှဲၤစ့ ဟ့ၣ်မၤစၢၤဝဲ ထံဖိကီၢ်ဖိလၢ အအိၣ်ဖဲ ခ့ၣ်အဲၣ်ယူၣ်-ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ် ဟီၣ်ကဝီၤတဖၣ် လၢအဘၣ်ဃ့ၢ်မှံဟးဖျိ ခီဖျိ ကီၢ်ပယီၤသုးတဖၣ် ခးကျိအါအါဂီၢ်ဂီၢ် အဃိန့ၣ်လီၤ. အတၢ်ဆီၣ်ထွဲမၤစၢၤတဖၣ် ဟ့ၣ်လီၤဝဲခီဖျိ ကညီဂံၢ်ခီၣ်ထံးပှၤတ၀ၢ ပှၤဂ့ၢ်ဝီကရၢ ကမံးတံၥ် အစုပူၤန့ၣ်လီၤ.ဘၣ်ဃးဒီးတၢ်ဟ့ၣ်တၢ်ဆီၣ်ထွဲမၤစၢၤတဘျီအံၤ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ် ကီၢ်ဆၣ်နဲၣ်ရွဲၣ် ပဒိၣ်စီၤဆၣ်ဝါ ပၥ်ဖျါထီၣ်အတၢ်ထံၣ် ဒ်အံၤန့ၣ်လီၤ. "ဘၣ်ဃးတၢ်ဆီၣ်ထွဲမၤစၢၤအဂ့ၢ်အံၤ တၢ်ရ့လိၥ်ဝဲၤဒၢး ဆဲးကျိးတဲကျၢပှၤန့... ...