More than 2000 civilian in Doo Tha Htu district demostrate

၂၀၂၁ နံၣ်, လါယနူၤအါရံၤ ၁၇ သီ, ဒူသထူၣ် ကီၢ်ရ့ၣ်

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်, ဘံလ့ကီၢ်ဆၣ် ဒူသဝီကရူၢ် ၃ ဘ့ၣ် လၢအမ့ၢ် ထံဆံၣ်ဘီကရူၢ်, ယိၤကျါကရူၢ် ဒီး ထံဖးဒိၣ်ထးကရူၢ် ပူၤ ဒူသဝီ ၁၂ ဖျၢၣ် ကမျၢၢ်ခဲလၢၥ် ၂၀၀၀ ဘျဲၣ် ပၥ်ဖျါထီၣ်အတၢ်ဘၣ်သး ဘၣ်ထွဲ ထံကီၢ်ဒီဘ့ၣ် တၢ်ပတုၥ်တၢ်ခး ကဂၢၢ်ကျၢၤထီၣ်အဂီၢ် န့ၣ်လီၤ. တၢ်ပၥ်ဖျါထီၣ်တၢ်ဘၣ်သး တၢ်ရဲၣ်တၢ်ကျဲၤတဘျီအံၤ ဘၣ်တၢ်မၤအီၤဖဲ လါယနူၤအါရံၤ ၂၇ သီ ၂၀၂၁ နံၣ် န့ၣ်လီၤ.
ဖဲတၢ်ပၥ်ဖျါထီၣ်သး အကတီၢ် လီၢ်ကဝီၤကမျၢၢ်တဖၣ် ဃ့ထီၣ်ဝဲ တၢ်ဂ့ၢ် ၆ ထံၣ် လၢအမ့ၢ်ဝဲ ၁. တၢ်ကမၤဖျါထီၣ် ထံကီၢ်ဒီဘ့ၣ် တၢ်ပတုၥ်တၢ်ခး လံၥ်ဃံးဃၥ် အတၢ်အၢၣ်လီၤအီလီၤတဖၣ်, ၂. တၢ်ကလူၤပိၥ်မၤထွဲ တၢ်ပတုၥ်တၢ်ခး အတၢ်သိၣ်တၢ်သီ ဒီးသုးတၢ်သိၣ်တၢ်သီ တၢ်ဘျၢတဖၣ်, ၃. ပတလိၣ်ဘၣ် လီၢ်ကဝီၤပူၤ စုကဝဲၤတၢ်သဘံၣ်သဘုၣ်ဘၣ်, ၄. ပတအဲၣ်ဒိးလၢ သုးကလၢၤတဖၣ် ကဆီလီၤသးလၢ ဒူသဝီပူၤဘၣ်, ၅. တၢ်ဂ့ၢ်ကီလၢအကဲထီၣ်သးလၢ လီၢ်ကဝီၤပူၤတဖၣ် ကီၢ်ပဒိၣ်ကဟံးမူဒါ ဒီး ဘှါရှဲကွံၥ်, ၆. ထံရူၢ်ကီၢ်သဲးတၢ်ဂ့ၢ်ကီန့ၣ် မ်တၢ်ကဃဲၣ်လီၤဘှါလီၤအီၤလၢ ထံရူၢ်ကီၢ်သဲးအကျဲ သ့ၣ်တဖၣ် န့ၣ်လီၤ.
အပူၤကွံၥ် ဖဲလါယနူၤအါရံၤ ၂၄ သီအနံၤစ့ၢ်ကီး ဘ့လ့ကီၢ်ဆၣ် ကရူၢ် ၃ ဘ့ၣ် လၢအမ့ၢ် မၠ့ၣ်ကၠိကရူၢ်, တၤအုးခံကရူၢ် ဒီး ကၠိဝဲကရူၢ် အပူၤ လီၢ်ကဝီၤကမျၢၢ် ၂၀၀၀ ဘျဲၣ် ပၥ်ဖျါထီၣ်အတၢ်ဘၣ်သး ဒီးဃ့ထီၣ်ဝဲတၢ်ဂ့ၢ် ၆ ထံၣ် ဒ်သိးအံၤ စ့ၢ်ကီးန့ၣ်လီၤ.