ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤပူၤ လါယူၤ ၂၀၂၂ နံၣ် တလါကတီၢ်ပူၤ တၢ်ဒုးကစီၣ်ပၥ်ဖှိၣ်

၂၀၂၂ နံၣ်, လါယူၤလံ ၅ သီ, ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤပူၤ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ ဒီး သုးမီၤစိရိၤအသုး, သုးခိးကီၢ်ဆၢ အသုးသ့ၣ်တဖၣ် အဘၢၣ်စၢၤ တၢ်ဘၣ်သဂၢၢ်ခးလိၥ်သး ကဲထီၣ်ဝဲ ကိးနံၤဒဲးန့ၣ်လီၤ.

တလါအကတီၢ်ပူၤ တၢ်ဘၣ်သဂၢၢ်ခးလိၥ်သး ကဲထီၣ်ဝဲခဲလၢၥ် (၃၆၅) ဘျီ ဒီး သုးမီၤစိရိၤအသုး, သုးခိးကီၢ်ဆၢအသုးသ့ၣ်တဖၣ် သံဝဲခဲလၢၥ် (၄၁၀) ဂၤ ဒီး ဘၣ်ဒိဝဲခဲလၢၥ် (၃၃၅) ဂၤန့ၣ်လီၤ.

ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ တကပၤ ဟ့ၣ်လီၤအသးသမူလၢ ထံကီၢ်ဒီးကလုၥ်ဂီၢ် ခဲလၢၥ် (၁၇) ဂၤ ဒီး လုၢ်ထီၣ်အနီၢ်ခိက့ၢ်ဂီၤ ခဲလၢၥ် (၂၈) ဂၤန့ၣ်လီၤ.
ဒူပျၥ်ယၥ်ကီၢ်ရ့ၣ်, ကီးတရံးမုၢ်ထီၣ်, အူကြ့ၣ်ထၣ်ဟီၣ်ကဝီၤပူၤ ခီဖျိတၢ်ဒုးဆူၣ်ဝဲအဃိ သုးမီၤစိရိၤအသုး သူဝဲကဘီယူၤ လၢဟဲခးစၢၤတၢ်လၢ တၢ်ဒုးပျီပူၤန့ၣ်လီၤ. ၂၇ သီ တုၤ ၃၀ သီ လၢလွံၢ်သီကတီၢ်ပူၤ သုးမီၤစိရိၤအသုး ဟဲခးတၢ်လၢ ကဘီယူၤ ခဲလၢၥ်အိၣ်ဝဲ (၉၄) ဘျီန့ၣ်လီၤ.