Notice
ကီၢ်ရ့ၣ်တဖၣ်
ခ့ၣ်အဲၣ်ယူၣ်-ဘျံးဒ၀ဲၢ်ကီၢ်ရ့ၣ် တၢ်ပၢဟီၣ်က၀ီၤ, လၢၢ်မုၢ်လါကီၢ်ဆၣ်ပူၤ တၢ်ရဲၣ်ကျဲၤမၤ၀ဲ တၢ်တီခိၣ်ရိၣ်မဲတၢ်မၤလိ ဃုၥ်ဒီးသးစၢ်ဖျၢၣ်ပှီၢ် တၢ်ရ့လိၥ်မုၥ်လိၥ်
လါအ့ဖြ့ၣ် (၁၄) သီ, ၂၀၂၅ နံၣ်, ခ့ၣ်အဲၣ်ယူၣ်-လီၢ်ခၢၣ်သး။
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်က၀ီၤ, ဘျံးဒ၀ဲၢ်ကီၢ်ရ့ၣ်, လၢၢ်မုၢ်လါ ကီၢ်ဆၣ်, ပလီသ၀ီပူၤ ဘျံးဒ၀ဲၢ်ကီၢ်ရ့ၣ်-ကညီသးစၢ်ကရၢဒီး လၢၢ်မုၢ်လါကီၢ်ဆၣ် ခိၣ်နၢ်တဖၣ် ရဲၣ်ကျဲၤမၤ၀ဲ ဒူသ၀ီခိၣ်နၢ် တဖၣ်အဂီၢ် တၢ်တီခိၣ်ရိၣ်မဲတၢ်မၤလိ ဃုၥ်ဒီးသးစၢ်ဖျၢၢ်ပှီၢ် တၢ်ပြၢတၢ်ရ့လိၥ်မုၥ်လိၥ် ဖဲ ၂၀၂၅ နံၣ်, လါအ့ဖြ့ၣ် (၃) သီ တုၤ (၁၄) သီ န့ၣ်လီၤ.
လၢတၢ်မၤလိတၢ်ရဲၣ်တၢ်ကျဲၤတဘျီအံၤ လၢၢ်မုၢ်လါကီၢ်ဆၣ်, ပလီဒူသ၀ီကရူၢ်အပူၤ သ၀ီ (၁၁) ဖျၢၣ် ဒူသ၀ီခိၣ်နၢ်တဖၣ် ဒီး ဒူသ၀ီသူၣ်စၢ်သးဘီၣ်တဖၣ် ဟဲထီၣ်ခဲလၢၥ် (၈၃) ဂၤန့ၣ်လီၤ.
တၢ်အိးထီၣ် တၢ်မၤလိတၢ်ရဲၣ်တၢ်ကျဲၤကတီၢ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဘျံးဒ၀ဲၢ်ကီၢ်ရ့ၣ်, လၢၢ်မုၢ်လါကီၢ်ဆၣ် နဲၣ်ရွဲၣ်သဃဲၤ, ပလီဒူသ၀ီကရူၢ်ခိၣ် ပဒိၣ်စီၤဆၣ်မုၢ်ဂီၤ ဒီးကီၢ်ဆၣ်ခိၣ်နၢ်အဂၤစ့ၢ်ကီး ဟဲဟ့ၣ်ဂံၢ် ဟ့ၣ်ဘါ ကတီၤလီၤတၢ်အိၣ်၀ဲန့ၣ်လီၤ.
တၢ်မၤလိတၢ်ရဲၣ်တၢ်ကျဲၤ တၢ်ပညိၣ်ဒ်သိး ဒူသ၀ီကရူၢ်ပူၤ ခိၣ်နၢ်တီခိၣ်ရိၣ်မဲဟံးမူဒါလၢ ဒူသ၀ီကရူၢ်ပူၤတဖၣ်, ဒူသ၀ီ ကရူၢ်ပူၤ သူၣ်စၢ်သးဘီၣ်တဖၣ် ကနၢ်ပၢၢ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဂံၢ်ခီၣ်ထံးတၢ်ဘျၢခိၣ်သ့ၣ်ဒီး တၢ်မၤကျဲ တဖၣ်, ကသ့ၣ်ညါနၢ်ပၢၢ်တကီၢ်ခါထံရူၢ်ကီၢ်သဲးတၢ်အိၣ်သး, ကသုးထီထီၣ်တၢ်တီခိၣ်ရိၣ်မဲကံၢ်စီဒီး တၢ်တီခိၣ်ရိၣ်မဲဖှိၣ်တၢ် ဒီး ကီၢ်သူလ့ၤသဲစးတၢ်ဒိၣ်စိအဂီၢ် တၢ်ရဲၣ်ကျဲၤမၤ၀ဲတၢ်မၤလိအံၤန့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
