စာတို
ခရိုင်များ
ကေအဲန်ယူ - ညောင်လေးပင်ခရိုင် မုန်းမြို့နယ်တွင် တစ်ပတ်တာ စိုက်ပျိုးရေးသင်တန်း ဖွင့်လှစ်
၁၄ ရက် ဩဂုတ်လ ၂၀၂၂ ခုနှစ် ကေအဲန်ယူ - ဗဟို
ကေအဲန်ယူ
- ကရင်အမျိုးသားအစည်းအရုံး၊ ညောင်လေးပင်ခရိုင်၊ မုန်းမြို့နယ်၊
မဲပုတ်ကျေးရွာအုပ်စု၊ နိုရှဲကျေးရွာတွင် ဩဂုတ်လ(၅)ရက်နေ့၌ ကေအဲန်ယူ -
ညောင်လေးပင်ခရိုင်မှ ခရိုင်၊မြို့ နယ် လယ်ယာစိုက်ပျိုးရေးဌာန၏
တာဝန်ရှိခေါင်းဆောင်များ ဦးဆောင်ပြီး တစ်ပတ်တာ စိုက်ပျိုးရေးသင်တန်း
ဖွင့်လှစ်ခဲ့ပါသည်။ သင်တန်းတွင် ပြည်သူလူထု၏ အသက် မွေးဝမ်း ကျောင်းလုပ်ငန်း
ဖွံ့ဖြိုးရေးအတွက်နှင့် အစားအစာလုံခြုံရေးအတွက်
ဓာတုပစ္စည်းမပါဝင်သော စိုက်ပျိုးရေးနည်းပညာဖြင့် နေထိုင်မှုဘဝကို
တည်ဆောက်ရန် ရည်ရွယ်ပြီး ဖွင့်လှစ်ခဲ့ ခြင်းဖြစ်ပါသည်။
သင်တန်းတွင်
ကေအဲန်ယူ-ကရင်အမျိုးသားအစည်းအရုံး၏ ဖွဲ့စည်းပုံအခြေခံဥပဒေနှင့်
အခြေခံလမ်းစဉ်လုပ်ငန်းစဉ်၊ လယ်ယာစိုက်ပျိုးရေးဌာန၏ပေါ်လစီနှင့်ပတ်သက်သော
မြေယာပေါ်လစီ၊ မြေဩ ဇာပြုလုပ်နည်း၊ သဘာဝပိုးသတ်ဆေးနှင့်
ပေါင်းသတ်ဆေးပြုလုပ်နည်းများကို ပို့ချခဲ့သည်။ သင်တန်းသားဦးရေ (၃၀)ဦး
တက်ရောက်ခဲ့သည်။
သင်တန်းကို
ဩဂုတ်လ(၅)ရက်နေ့မှ (၁၂)ရက်နေ့အထိ တစ်ပတ်တာဖွင့်လှစ်ခဲ့ပါသည်။
သင်တန်းဖွင့်လှစ်ပြီး စိုက်ပျိုးရေးလုပ်ငန်းများ
အကောင်အထည်ဖော်ဆောင်ရေးအတွက် ကော်မတီဖွဲ့ စည်းပြီး စိုက်ပျိုးရန် မြေနေရာ
(၅၀)ဧက ချမှတ်ခဲ့ပါသည်။
ဆက်စပ်လုပ်ရှားဆောင်ရွက်မှုများ
